O Vampiro de Sussex é o cuarto título de Sherlock Holmes para pequenos detectives, unha colección amena e divertida cos mellores casos do detective máis famoso de todos os tempos. Grazas á súa narrativa áxil e ás rechamantes ilustracións axudará a consolidar o amor pola lectura dos máis novos. Ademais, as didácticas aclaracións sobre termos e obxectos propios da Inglaterra da época achegaraos á literatura clásica de detectives.

A través das crónicas do Dr. Watson compartiremos as súas aventuras cheas de misterio, roubos e asasinatos.

“Benquerido señor, O noso cliente, o señor Ferguson, fíxonos unha consulta sobre VAMPIROS. Posto que somos unha empresa de enxeñaría, lamentablemente non podemos asesoralo sobre este asunto. Se cadra vostede pode AXUDALO.”

Holmes e Watson enfróntanse ao seu caso máis estraño cando un marido angustiado acode a eles, desesperado por entender o estraño comportamento da súa dona… sorprendeuna chuchándolle o sangue ao seu fillo! Pero, os vampiros non existen… ou si?

3º-4º Primaria