Tino Casal e Jason Romero son o director e editor xefe de Letras de Ozono, ambos son amigos desde que se coñeceron máis de trinta anos antes na movida viguesa. A súa amizade sobrevive á distancia, á rivalidade e mesmo á traxedia.
Os dous son achados mortos nos seus respectivos despachos de Vigo e A Coruña a mesma mañá de venres; colgados, cunha pila de libros aos seus pés, un café frío e unha nota escrita a man. Nela poden lerse as frases finais da primeira novela do seu escritor máis famoso, o Negro González.
Oitavo libro da Saga do Gardián das Flores que levará aos nosos protagonistas á conexión AP9, unha viaxe entre dúas grandes cidades, no que o que as une é moito máis importante que o que as separa.